"Ұстаз ұлы тұлға!" атты мерекелік концерт

05.10.2026

🌷 «Ұстаз – ұлы тұлға» 🌷

Ұстаздар күніне орай мектебімізде «Ұстаз – ұлы тұлға» атты мерекелік концерт ұйымдастырылды.

Ұстаз – білім мен тәрбиенің шамшырағы, жас ұрпаққа бағыт-бағдар беріп, жүректерге ізгілік пен мейірім ұялататын ұлы тұлға. Осы айтулы мерекеде ұстаздарға деген құрмет пен ыстық ықылас концерттік бағдарлама арқылы ерекше көрініс тапты.

🎶 Мерекелік кеш барысында оқушылардың орындауында әсерлі әндер шырқалып, әсем билер ұсынылып, ұстаздарға арналған жүрекжарды тілектер айтылды.

Кештің қадірлі қонақтары – ардагер ұстаздарымыз К.Х. Аскенова, Т.Р. Жетпісов және Е.К. Шерьезданов сөз сөйлеп, ұстаздық жолдағы естеліктерімен бөлісіп, бүгінгі әріптестері мен жас ұрпаққа ізгі тілектерін білдірді.

💐 Ардагер ұстаздардың өнегелі жолы – кейінгі ұрпаққа үлгі, ал олардың айтқан ақыл-кеңесі – баға жетпес рухани мұра.

Барша ұстаздарымызды кәсіби мерекесімен құттықтай отырып, еңбектеріңізге шығармашылық табыс, зор денсаулық, отбасыларыңызға амандық тілейміз!

Ұстазға құрмет – ұрпаққа тағылым! ❤️